पै॥ छ २४ रजब सन                                                 लेखांक १६५.                                                  १७०२ ज्येष्ठ व॥ १०. 
इहिदे समानीन.                                                           श्री.                                                                 २७ जून १७८०.                                                                               

राजश्रीया विराजित राजमान्य राजश्री कृष्णराव स्वामींचे सेवेसीं:-
पोष्य आनंदराव भिकाजी कृतानेक नमस्कार विनंति उपरी. येथील कुशल जाणून स्वकीय कुशललेखन करीत जावें. विशेष. सिंदे यांकडील निभावणीचें पत्र विस्मृतीनें ठिकाणींच राहिलें. ते परवां रात्रीं आलें. हें वर्तमान नवाबबहादर यांस व आपणांस कळावें ह्मणून रा. गणपतराव केशव यांस पत्रें लि॥ अंचीवरून काल रवाना केलीं आहेत. तीं पावून वर्तमान कळेल. हालीं तें पत्र व नवाबबहादुर यांसी थैली व आपणांस सर्वांस पत्रें राजश्री नानांनीं सरकारचे हुजरे व कासदजोडी याजबरोबर सविस्तर रवाना केलीं आहेत. पोहंचून इकडील सर्वार्थ कळों येईल. निरंतर पत्रीं संतोषवीत जावें. रवाना छ २३ जमादिलाखर बहुत काय लिहिणें ? लोभ करीत जावा हे विनंति.