श्री.

लेखांक ३५०.

१७२३ पौष वद्य ९.

राजश्री सखाराम घाटगे सर्जेराव गोसावी यांसि :-
आसीर्वाद उपरी. उदाजी जाधव कुरण्या को।। खेड नि॥ तोफखाना याचा व तुलसाजी साडभर या उभयताचा का।। मजकुरीं सेताचा व घराचा X X X कजीया होता त्याची पंचाईत सरकारांतून नेमून देऊन पंचाईत मतें फडशा होऊन X X जामीन घेऊन फारखत्या हरदु जणाच्या X ल्या त्याजला सात आठ वर्ष जाहालीं असे असतां हाली तुह्माकडील बहिरजी सिंदे याजला साडभऱ्यानें गैरवाका समजाऊन जाधवपाशी सरकारचे गवत कापणावळीचा ऐवज होता त्यापैकी मसाला वगैरे दोनशे रुपये घेऊन कुरण्यास खेडाहून पुण्यास आणिल्यावर साडभराचे सांगितल्यावरून तुह्माकडील कारखान्याचे बैल कुरणांत जाऊन गवताची तसनस केली ह्मणोन विदित जाहालें तरी तुह्मी राजश्री दौलतराव सिंदे अलीजा बहादूर यास सांगोन बहिरजी सिंदे यास ताकीद करऊन मसाला वगैरे दोनशे रुपये घेतले आहेत ते माघारा देवऊन तुळसाजी साडभर यास हुजूर पाठवून देणें. जाणिजे. छ १२ रमजान. बहुत काय लिहिणें ?