तो साहा घटका दिवस राहाता मु॥ मजकुरी दाखल जालें. यावर तलाव पाहून डेऱ्यास आलें. यावर दोन घटका रात्रीस आपण व कारभारी बसून तेथून पांच कोस चादगढीचा मु॥ नेमून दरबार बरकास जाला. साहेबास कळावें. छ २२ रोजी दो पाहारा कुच जालें. साहा घटका दिवस राहतां मु॥स आले. नंतर दोन घटका रात्रीस आपण व उभयता कारभारी व पांडुरंग व बापू हाळद्या ऐसे बसून बाळाजीपंत काळेकर याच्या मारफीतीने कमावीसदार आहेत. कमावीसदार कोण्ही भेटावयास आला नाहीं. याजकरितां मारनिले याजवर बहुत रागें भरले होते. मग आपण व कारभारी बसून तेथून साहा कोसावर क॥ पालुदरपलीकडे दो कोसावर त्तई म्हणून गांव आहे तेथील मु॥ नेमून दरबार बरकास जाला. साहेबास कळावें. छ २३ रोजीं प्रथमकाळी आपण व परसोजी भोसले ऐसे बसून कारभारी बोलाऊन आपण व कारभारी बसून बाकरदसिंग सिकाकुर राजबदरीं यास पत्रें लेहून सांडणीस्वार रवाना केला. दीड प्रहर दिवस येता गढी पाहून कूच जालें. तों च्यार घटका दिवस राहाता मुकाममजकुरी दाखल जालें. नंतर च्यार घटका रात्रीस आपण व कारभारी बसून तेथून आठा कोसावर क॥ पवानीचा मु॥ नेमून दरबार बरकास जाला. छ २४ रोजी दीड प्रहर दिवस आलियावर कूच जालें तों च्यार घटका दिवस राहता मुकाम मजकुरी दाखल जालें. राजश्री विठल बलाळ सुभेदार व बेनीसिंग व सखाराम आवधुत व त्रिवर्गाचा एक विचार होऊन राजश्री रघुनाथराव बुंधेले यांनी आपल्याकडील कोण्ही वकील याच्या लस्करांत पाठवून याचें व त्याचे बोलने होऊन बोनीसिंगास तिकडे घेऊन गेले. मारनिले याच्या व त्याच्या भेटी वगैरे बोलणे होऊन बोनीसिंग कटगीच्या मुकामी आला. मग बोनीसिंग व सखाराम अवधुत ऐसे विठल ?? सुभेदार याजपासी येऊन सईनासाहेब यास पत्रें लेहून पाठविली. साहेबास कळावें. चांदगढीचा मु॥ बाईसाहेब याची पत्रें आली जे. छ २० रोजी श्वार होऊन गेले तो मजल दरमजल बाजारीच्या मुकामी दाखल जाले. एका दो दिवसा रतनपुरास जातील. साहेबास कळावें. बाळाजीपंत कालेकर यानें डेरे किल्यांत दिल्हे होतें. आणि अवघे लशेकर बाहेर होते. याजकरिता मारनिले याजवर दोन घटका रागे भरले होते की अवघें लशेकर बाहेर राहिले आन आह्मी किल्यांत राहिलों हें काय ह्मणून बोलत होते. छ २५ रोजी प्रथकाळी कारभारी बोलाऊन मातोश्रीस पत्रें लेहून डाक रवाणा केली. दीड प्रहर दिवस येता सिवा बाळा हाजारी यास बोलाऊन सांगितले की बाहेर जाऊन डेरे देववायास जागा पाहून यावें. तिसरे प्रहरी डेरे बाहेर दिल्हे. साहेबास कळावें. छ २६ रोजी च्यार घटका दिवस येतां पुण्याकडोन डाकची पत्रें आली. नंतर कारभारी बोलाऊन पत्रें वाचून पाहिली नंतर च्यार घटका खलबत जालें. सिवरात्र होती. देवदर्शनास गेले. साहेबास कळावें. छ २७ रोजी बाळापुराहून सलाबतखान याची पत्रें आलीं नंतर पत्रें वाचून कारभारी बोलाऊन आपण व उभयतां कारभारी बसून पत्रें वाचून पाहिली. नंतर ह्ममद आली व महम मोहोशे वैरागडचा किलेदार या दोघांस विडे देऊन रवाना केले. कारण की कलकत्त्याच्या फिरंगियाचा वकील नागपुरास येत आहे. तो रतनपुरास येऊन दाखल जाले. ह्मणोन या दोघांस पुढें रवाना केले. साहेबास कळावें. व मग त्याचे तांबडे दान दिल्हे. छ २८ रोजी विठल बलाळ सुभेदार याजकडोन पत्र आलीं तीं वाचून पाहिली. पत्री वर्तमान कीं बगाजीपंत भातवाल्याचे गडावर होता तो त्यांनी सोडून दिल्हा. येसोबा पानतावने याच्या व किलेदाराच्या भेटी जाल्यां साहेबास कळावे. तेथून सईनासाहेब सुभा यांनी रामटेकच्या पानाचे बैल दर १५ रवाना केले आहेत. साहेबास कळावें. सेवेसी श्रुत होय हे विज्ञापना. जोडी रवाना छ २९ माहे रमजान.