पत्रांक ६३२

श्री
१७२४

यादी साहेबराम कुंमदान, सुा। सलास मयातैन व अल्लफ, सरकारांतून मनोहरगीरबावा गोसावी यांस एक पलटणची भरती करावयासी सांगितली. त्यास, आह्मीं बावांचे पलटणची भरती बाराशें लोकांची केली. पलटण जमऊन च्यार वर्श पावेतों सरकारचाकरी केली. तेव्हां गोसावीबावांची व आमची कांहीं जिकीर जाहली. मग, आह्मी निघून वेगळे जाहलों. घरास गेलों. घरीं एक वर्श राहून येथें आलों. नंतर राजश्री आबा काळे यांणीं आह्मांस श्रीमंतांपाशीं नेऊन भेटविलें. मग, सरकारांतून आह्मांस दोनसें लोक जेजाल. बारदार ठेवावयासीं आज्ञा जाहली. आह्मीं पंनास लोकांची हजीरी दिल्ही. आजपो सरकारचाकरी केली. खर्चास एक पैसा सरकारांतून पावला नाहीं. पदरचे हजार रुपये खर्चून खराब जाहले. त्यास, हालीं जितकी नवी भरती करावयाची आज्ञा करतील तितकी भरती करीन. याप्रों माझा बंदोबस्त सरकारांतून करून दिल्हा पाहिजे हे विनंति.