पत्रांक ६२७

श्री लक्ष्मीकांत.
१७२४ माघ वद्य १

राजश्री नारायणराव वैद्य गोसावी यांसीः-

अखंडितलक्ष्मीअलंकृत राजमान्य स्नो रघोजी भोंसले सेनासाहेबसुभा दंडवत विनंती उपरी येथील कुशल जाणून स्वकीये कुशल लिहित जावें. विशेष. यापूर्वी तुम्हांकडील पत्रांची उत्तरें वरचेवरी व रांगडे माणसासमागमें जीं पाठवावयाचीं ती पाठविलीं आहेत. पोहोंचून सविस्तर समजण्यांत येईल. राजश्री सदाशिव बापूजी याणीं तेथील ऐकिलें जें वर्तमान तें लिहिलें होतें. हें समजोन त्याचेंहि पत्राचें उत्तर पाठविलें आहे. व प्रसंगीचें वर्तमान राघोधोंडदेव लिहितां कळेल, वरचेवरी पत्र पाठऊन वर्तमान लिहित जावें. रा छ १४ माहे शवाल, बहुत काय लिहिणें ? हे विनंती. मोर्तबसुद.