विटी [ वीटा (महाभारत-आदिपर्व)=विटी ] विटीदांडूच्या खेळांतील हत्यार. (भा. इ. १८३६)

विटी (दांडू) [ वीटा = इटीदांडू खेळण्याचा लाकडाचा दोन चार बोटांचा तुकडा. आ = ई (मराठी स्त्रीलिंग) ] (भा. इ. १८३४ )

विडा १ [ व्रीड् ४ चोदने. विडः = विडा] विडा उचलणें म्ह० युद्धचोदना स्वीकारणें. नागवेलीच्या पानांच्या विड्याशीं संबंध नाहीं. ( धा. सा. श. )

-२ [ विदथ (प्रतिज्ञा ) = विडा ] विडा मांडणें to set up a pledge.

विडा तोडणे [ व्रीडा तोडणे = वीडा तोडणें ] नागवेलीच्या पानांच्या विड्याशीं (व्रीडा) वीडा शब्द उच्चारसाम्यानें एक मानण्याकडे प्रवृत्ति झाली. ( ग्रंथमाला)

विडी [ विष्टि = विड्ढि = विडी ] मुसळ वगैरेंना जें लोखंडाचें वलय किंवा वळें घालतात त्याला विडी म्हणतात. (भा. इ. १८३५)

विणणें [ इव् १ व्याप्तौ. इन्वति=विणतो ] त्यानें माझ्या भोवतीं जाळें विणलें म्हणजे जाळ्याची माझ्या भोंवतीं व्याप्ति केली. ( धा. सा. श. )

विणणें बिणणें [ वयति विवयति = विणणें बिणणें ] बिनणें निरर्थक जोडशब्द नाहीं. (भा. इ १८३४)

विंदाण [ वि = इंद् ऐश्वर्ये : वींदन = विंदाण ] ऐश्वर्य.

विद्रें [ विद्रिय (निंदित, वांकडे) = विद्रें] अविद्रियाभिः ऊतिभि ( अनिंदिताभिः संरक्षणैः ) १-९-४६-१५ ऋग्वेद.

विनवणी [ विज्ञापना किंवा विनमनी किंवा विज्ञपन.
विज्ञापना = विनावणी
विनमनी = विनवणी
विज्ञपना = विनवणी ] (ज्ञा. अ. ९ पृ. ३ )

विधवा [ विधवा = विध्वा ] (स. मं. )

विधुर [ विगतः धवः यस्याः सा विधवा । विगता धुरा यस्य सः विधुरः । ] धव म्हणजे नवरा, धुरा म्हणजे बायको. धू धातूपासून धव व धुरा हे शब्द निघाले आहेत. धवन करणारा जो तो धव; धवन करून घेणारी ती धुरा. (भा. इ. १८३४)