[३०७]                                                                       श्री.                                                                  ४ जानेवारी १७४२.

श्रीमत् परमहंस परिव्राजकाचार्य बावा स्वामीचे सेवेसी :-
सेवक तुळाजी आंगरे विज्ञापना येथील कुशल तागायत माघ शुध्द एकादशी गुरुवार पावेतों वर्तमान यथास्थित आहे. यानंतर, तीर्थरूप राजश्री संभाजी बावा दाजी यांस कैलासवास जाहाला. समागमें तिघी बाई व राखा चौघी व दासी सेवेसी तिघी एकून दहा असामी गेल्या. हें वृत्त आपणांस विदित जाहलेंच असेल. आह्मास दु:खार्णवीं घातलें. बरें ! होणार तें जालें ! याउपरी वडिलीं सेवकास आशीर्वाद देऊन अभिवृध्दी होणें तें करावें. वरकड चिरंजीव बया उपवर आहे. आह्मास तों हे गोष्टी जीवीं लागली आहे. यंदा हा प्रसंग उरकून घ्यावा. ऐशास वरविचारणा स्वामीविरहित होत नाहीं. आमची कायावाङ्मनें निश्चय वडिलांवर आहे. तरी वर उत्तम पाहोन योजावा. आह्मांजवळ कांही अधिकोत्तर द्यावें घ्यावें हा प्रसंग नाहीं. परंतु विवाह संपादून घ्यावा हें बहुत जरूर आहे. तरी आपण वराची विचारणा करून सत्वर आज्ञा करावी. त्याप्रमाणें वर्तणूक करून. श्रृत जालें पाहिजे. हे विज्ञापना.