पत्रांक ६६.

श्री.
१६९२ श्रावण वद्य १४

अखंडितलक्ष्मीअलंकृत राजमान्य राजश्री नरसिंगराव जनार्दन गोसावी यांसी.

सेवक माधवराव बल्लाळ प्रधान नमस्कार सुा इहिदे सबैन मया व अल्लफ, तुह्यीं विनंतीपत्र पाठविलें तें प्रविष्ट झालें. हैदरनाईकाकडे लोक चाकरीस व पुढें जाणार त्यांची चौकशी करीतच आहों, येविशीं तालुकदारांसहि आज्ञा करावी, ह्मणोन लिहिलें तें कळलें. ऐशास, तालुकदारांस पत्रें पाठविलीं आहेत. ते व तुह्मी मिळून चौकशी करणें. गेले असतील त्यांची घरे, कबिले, जप्त करणें. तिकडील वर्तमान वरचेवर लिहित जाणे. जाणिजे, छ २८ रबिलासर बहुत काय लिहिणें. लेखन सीमा.