पत्रांक १४८

श्री ( नकल ) १६९६ भाद्रपद शुद्ध २

अखंडितलक्ष्मीअलंकृत राजमान्य राजश्री नरसिंगराव जनार्दन गोसावी यांसीः-

सेवक माधवराव नारायण प्रधान नमस्कार. सुा खमस सबैन मया व अलफ, सरंजामी फौजेची तयारी जलदीनें करून निघोन भाद्रपद शुद्धांत हुजूर येऊन दाखल होणें, ह्मणोन पेशजीं पत्रें सादर जालींच आहेत. त्याप्रमाणें तुह्मीं सिद्धता करून निघालाच असाल. त्यास, तुह्मीं कधीं निघालां तें लिहून पाठवणें, आणि दरमजल माहादेवाचे सुमारें येऊन मुकाम करून राहणें, जाणिजे. छ १ रजब, बहुत काय लिहिणें?लेखनसीमा.