पत्रांक ९४.

श्री.
पौ. छ. २६ जिल्हेज.
१६९५ फाल्गुन वद्य ५.

राजश्रियाविराजित राजमान्य राजश्री बापू स्वामीचे सेवेसीं:-

पो कृष्णराव नारायण जोशी कृतानेक साष्टांग नमस्कार विनंती उपरी येथील कुशल जाणून स्वकीय कुशल लेखन करित असलें पाहिजे. विशेष. इकडील वर्तमान तरी राजश्री त्रिंबकराव मामा राजश्री साबाजी भो सेनासाहेबसुभा यांच्या व रुकृनुद्दौले यांच्या भेटीं बुधवारी रात्रौ जाहाल्या. भाषण ममतापुरस्कर जाहलें. आज उद्यां नबाव बंदगानअल्ली यांच्या भेटी होतील. सविस्तर वृत्त राजश्री सेनासाहेबसुभा यांनी लिहिलें आहे. व तीर्थरूप राजश्री नाना व राजश्री बापूरावजी निवेदन करितील. तिकडून पत्रें वरचेवर येत असावीं. बहुत काय लिहिणें? लोभ करावा हे विनंती. सेवेसीं विनंती सेवक लक्ष्मण बल्लाळ साष्टांग नमस्कार विज्ञापना. जाहलें वर्तमान सेवेसीं लिहिलें आहे. नबाबाच्या भेटी जाहल्यानंतर सविस्तर लिहून पाठऊं, सेवेसीं श्रुत होय.