उफड १ [ उत् + स्फट् ( स्पट् ) १ चलने, भेदे; { उत् + स्फट् = उस् + स्फद् = उफड् = उफड}] वाढणें, उकलणें. ( उफाड ४ पहा )

-२ [ उत् + फल् १ विशरणे; { उत्फल् = उफड । ल् = र् = ड् } ] उकलणें. इतर रूप-उफाड ५

-३ [ उत् + मृज् १ भर्जने; { उत् + मृज् = उद् + मृज् = उ + भृज् = उपड } ] भाजणें, तळणें.
उ. ना तरी अर्ध उफडिलें । कां निपट करपोनि गेलें । तैसे हि खाय चुकलें । रसा जें येवों ॥ माडगांवकर ज्ञा. १७-१५६

-४ [ उत् + भ्रस्ज् ६ पाके; { उत् + भ्रस्ज् = उअ + भ्रस्न् = उफड }] भाजणें, तळणें. उ.- वरील ज्ञा. १७-१५६

उफण [ उत् + फण् १ गतौ; { उत् + फण् = उष्फण् = उफण } ] एकदम वाढणें, झपाट्यानें वाढणें. ( उफाणणें ) इतर रूप-उफाण.

उफराट १ [ उत् + परि + अट् १ गतौ; { उत् + परि + अद् = उप्पर्यट् = उफराट } ] मागें फिरणें, परतणें. इतर रूप-उपराट १

-२ [ उत् + प्रति + अट् १ गतौ; { उत् + प्रति + अट् = उत्प्रत्यट् = उप्प्रअट् = उफराट } ] इतर रूप - उपराट २

-३ [ उत् + प्रति+कृ ८ करणे; { उत्प्रति कृ= उफराट } ] एकाद्याच्या उलट करणें, विरुद्ध करणें.

-४ [ उत् + प्रति कृष् १ विलेखने - विलेखनम् आकर्षणम् { उत्प्रति कृष् = उप्पइ अरष् = उफराट } ] वाईट दिशेकडे नेणें, चुकीच्या बाजूनें नेणें.

उफराठ [ उपरि + अ १ गतौ; { उपर्यठ् = उफराठ}] उफराटें फिरविणें - करणें, ( उपराठ पहा )

उफरांड [ उपरि + अंठ् १ गतौ ] ( उपन्यंठ् = उपरंड = उफराट ) ] ( उपरंड पहा )

उफल १ [ उत् + फल् १ गतौ; ] परत फिरणें, परत उसळी मारणें.
उ०- उदकाचिये भूमिके। आफलिलेन कुंदुकें ।। उफलौनि माघौतें । नैयैजे हातां ॥ ज्ञा. १७-२७९. इतर रूप- उफळ २

-२ [ उत् + स्फल् ६ संचलने ] वर उसळी मारणें. इतर रूप - उफळ १

उफळ १ [ उत् + स्फल् ६ संचलने; { उत्स्फल् =उफळ }] वर उसळी मारणें. ( उफल २ पहा)

-२ [ उत् + फल् १ गतौ ] परत फिरणें, परत उसळी मारणें.( उफल १ पहा )

-३ [ उत् + स्फाल १ नाम ); { उत्स्फाल् = उफळ } ] परत फिरणें, नांगराच्या फाळासह वर येणें, इतर रूप - उफाळ