[२१]                                                                                 श्री                                                                 
    
                                                                                        श्रीमत् परमहंस स्वामी याहीं.

चिरंजीव जगन्नाथास^२० आज्ञा केली ऐसीजे. बाबा शेटी बरोबर पत्र पाठविलें तें पावलें. लिहिलें वर्तमान विदित झालें. तर तुह्मीं खुशाल राहणें. तुह्माजवळ चार पांच चाकर पाहिजेत तर ठेवणें. दोन बंदुका घेणें. न घेस तर माझ्या पायाची आण असे. व तुह्मास निमच्या घ्यावयास अप्पा जोशी याजबरोबर रुपये तीन पाठविले आहेत. त्याचा निमच्या खंडू करवू आणवणें. सकलादीनें अगर मखलीनें मढवून देणें. विदित झालें पाहिजे. बहुत काय लिहिणें हे आज्ञा.