[१७]                                                                              श्रीशंकर                                                                    १७२१ 
    
                                                                      तीर्थरूप राजश्री तपोनिधी परमहंसबाबा स्वामीचे सेवेशी.

अपत्यें सौभाग्यादिसंपन्न विरूबाई यांनीं दंडवत. उपरी निंबाचे विहिरीचे इमारतीचे काम आहे. तरी अगत्येरूप पाथरूट दोघे पाठऊन दिल्हे पाहिजेत. त्याचा महिना जो तुह्मीं देत असाल तो लिहून पाठवणें. त्याप्रमाणें आह्मी देऊं; परंतु कामाचा खोळंबा बहुत जाहला असे. याजकरितां जरूरीनें लिहिले असे. पंधरा रोजाच्या बोलें पाठऊन देणें. मागती तुह्माकडे पाठऊन देऊं. आमचें अगत्य असलें तरी पत्रदर्शनी दोघे पाथरूट पाठवून देणें. हे विनंति.