महमद हुसेनखां घटाले यास पत्र.                                                लेखांक २०१.                                                      १७१५ अधिक वैशाख वद्य ७.

खांसाहेब मेहरबान दोस्तां महमदहुसेनखां बाहादूर सलामत
७ अजदिल येखलास गोविंदराव कृष्ण सलाम आंकी एथील खैरअफीयत जाणून आपली खैरखुषी हमेषा कलमी करावी दिगर मजमून आपल्याकडे पा मंगथल वगैरे च्यार माहाल एथील स्वराज्याचे मामलतीबाबत ऐवज सन ११९९ व सन १२०१ दुषाला साडेचौतीस हजार रुो येणे त्याचा करार वायद्याचा लेहून दिल्हा त्याबमोजीब ऐवजाचा फडच्या व्हावा याकरितां तिमणा नाईक भागवत यास आपल्याकडे पाठविलें च्यार महिने जाले अद्याप ऐवज फडच्या जाला नाही सबब नवाब अजमुलउमराबाहादूर यांसी बोलण्यात आलें त्याणी आपल्याकडील वकील राये अमोलिकराम यांस ताकीद केली मारनिलेनी आपल्यास खत लेहून दिल्हें तो पारसी लखोटा पा आहे त्यास पहिले वायद्यापैकी तेराहजार नाईक मारिनिलेस वसूल दिल्हा ऐसें मारनिलेनी लिहिलें बाकी सवाच्यार हजार व दुसरे वायद्याबाबत सवासतरा हजार छ १२ रमजानी द्यावे त्याचाहि वायदा गुजरून गेला दोन्ही वायद्याचा एकंदर ऐवज नाईक मारनिले सांगतील तेथें समागमे आपल्याकडील उंट भारबारदारी व प्यादे वगैरे माणसाचा बादरका देऊन ऐवज पोंहचाऊन द्यावा वायदे होऊन गेले याउपरि ऐवजास दिरंग न होतां फडच्या करावा रा छ २० रमजान ज्यादा काय लिहिणे.