सिंहगड-कोळी

लेखांक २७३                                                                     श्री                                                                                १६०३ चैत्र वद्य ७                                                                                                     

स्वस्ति श्री राज्याभिषेकशक ७ दुर्मति नाम संवत्सरे चैत्र बहुत सप्‍तमी गुरुवासरे क्षत्रियकुलावतंस सिंहासनाधीश्वर श्री राजा शंभु छत्रपति स्वामी याणी राजश्री रघोजी अहीरराऊ मुद्राधारी प्रचंडगड यासि आज्ञा केली ऐसी जे गडमजकूरचे कोळी मेटकरी गडाचे घेरियाखाले राहतात त्या पैकी कितेक लोक गडमजकुरी चाकर आहेती व कितेक सोनजी इतबारराऊ याचे दिमतीस आहेती त्याकडे गुरे ह्मैसी व गाई आहेती त्या पैकी दर एकास हवालदार नाईकवाडी रजपूत यास दोनी गुराची वणीसोड करून वरकड बदल मु॥ बार करावी ऐसी तीर्थस्वरूप कैलासवासी स्वामीची सनद आहे त्याप्रमाणे हालीं सनद देविली पाहिजे ह्मणून यां लोकी अर्ज केला ऐशास गाईची वणी तों एकंदर माफ केली आहे ह्मैसीची वणी घ्यावयाचा तह आहे त्या पैकी या लोकास दर एकास ह्मैसीची वणीसोड देविली असे तरी हवालदारास ह्मैसी २ व नाईकवाडियास ह्मैसी २ व रजपूतास ह्मैसी २ या प्रमाणे सोड देऊन बाकी ह्मैसी ज्याच्या ज्या उरतील त्याची वणी जे होईल त्यास गडमजकुरी चाकर असतील त्याची वणी त्याच्या नावे लिहिणे बाकी वजा करणे सोनजी इतबाररायाचे दिमतीस लोक आहेती त्यांकडे जे वणी होईल ते त्याच्या नावे तपसीलवार खर्च लिहिणे आणि नावनिसी जाबिता हुजूर पाठवणे त्यावरून त्याच्या आवर्जां बार होईल घरटका हि ज्याकडे जो होईल तो त्याचे नावे बार करणे हुजूर लेहून पाठवणे हे वणीचे व घरटकियाची जमाई माहालाकडे असेल तरी हे च सनद माहालचे कारकुनी मसमू जाणून एव हे प्रमाणे चालवावे गडी जमाई असेल तरी तुह्मी चालवावे साल दर साल ताजे सनदेचा उजूर न करणे तालीक लेहून घेऊन असल हे पत्र कोळियापासी देणे निदेश समक्ष

रुजु सु
रुनिवीस
सुरू सूद बार