आवांकि [ आ + वच् १० परिभाषणे, वंच् १० प्रलंबने { आवंच् = आवांचय् = आवांकि } ] -अमृतानुभव.

आंवांह १ [ आ + वह् ( णिच् ) प्रापणे, आवाहय ] बोलाविणें.

-२ [ आ + ह्वे १ शब्दे ] बोलाविणें.

आविक १ [ आ + मिक्ष् १ सेचने { क्ष् = क् } ] उ०- अन्न आविकलें = कुजून पाणी सुटलें.

-२ [ आ + मिह् १ सेचने { ह् = घ् = क् } ]

-३ [ आ + वि + पक्व ( ना. ) ]

-४ [ आ + वि + पक्व (ना.) ( आविविक्क-अर्धमागधी ) ] जास्त पिकणें, सडणें.

आविष्कर [ आविस् + कृ ८ प्रकाशने ] बाहेर येणें, दिसणें, दाखविणें, उघड करणें.

आविळ १ [ आ + पीड् १० पीडायाम् { पीड् = विळ्; प् = व् ; ड् = ळ् } ] दाबणें.

-२ [ आ + मिल् ६ श्लेषणे { म् = व्; ल् = ळ् } ]

आवीळ [ आ + मील् १ निमेषणे ] डोळे मिटणें, डोळे आवळणें. ( आवळ ४ पहा )

आवुळ [ आकुलनम् ( ना.) ] मान आवुळणें = अवघडणें. ( आकुळ पहा ).

आवेश १ [ आ + विश् ६ प्रवेशने ] आंत जाणें, प्रवेशणें, व्यापणें.

-२ [ आ + विश् ६ प्रवेशने ( तत्सम ) ] संचार होणें; आनंद, क्रोध वगैरे विकारांचा संचार होणें.

आंवंज [ अव + व्रश्च ६ छेदने { अव + व्रश्च = अव्रंश्च ( वर्णलोप, अनुस्वारागम ) - अवंच्; च् = ज् = आवंज } ] भाताचीं रोपें उपटून लावणें.

आव्ह [ आ + ह्वे १ शब्दे ] बोलावणें.

आव्हास [ आ + भास् २ प्रकाशने { भ् = व्ह् } ] प्रकाशणें.

आशाव १ [ आशाय ( ना. ) { य = व } ] आशा लावणें. { आसावणें; श = स }

-२ [ आशा ( ना. ) ] आशा लावणें. इतर रूप-आसाव.

आश्र [ आ + श्रि १ सेवायाम् ] आश्रय घेणें.  इतर रूपें-आश्रि, आश्रय, आश्रे.