आवत [ आ + मन्त्र् १० आह्वयने { मन्त्र् = वत } ] बोलावणें. ( जेवण्यास ) इतर रूप-आवंत

आवंत [ आ + मन्त्र् १० आह्वयने { मन्त्र् = वँत } ] जेवण्यास बोलावणें. ( आवत पहा )

आवर १ [ आपारणम् (ना.) { प् = व् } ] गोळा करणें.

-२ [ आ + वृ ५ वरणे ] एकत्र करणें.

आंवर [ अंबर्यते- ( कर्मणि ) मीलने { बर्य = वर } ] गोळा करणें, एकत्र करणें. उ०- गुरें, कुत्रीं आंवरणें. ( ना. आंवराआंवर ).

आवर्जि [ आ + वर्ज् १ वर्जने] सोडणें, गाळणें.

आवर्जून [ आ + वर्ज् २ वर्जने { वर्जयित्वा = वज्जूण = आवर्जून } ]

आवर्त [ आ + वृत् १ वर्तने ] पुनः पुनः फिरणें-करणें.  इतर रूप-आवर्तवि.

आवर्तव [ आ + वृत् १ वर्तने { णिच् - आवर्तय् = आवर्तव् } ] पुनः पुनः फिरणें-करणें, सभोंवतीं सारखें फिरणें. उ०- तेवि द्विजांसि ब्रह्मसूत्र । येरां स्तोत्र कां नाममंत्र ॥ आवर्तवणें पवित्र । पावेया तत्त्व ॥
ज्ञा. १६-१०३

आवर्तवि [ आ + वृत् -( णिच् ) { आवर्तय्-आवर्तव-वि } ] भोंवतीं फिरणें. ( आवर्त पहा )

आवळ १ [ आ + कुल् १ संस्त्याने { कुल् = उल् = वळ } ] बांधणें.

-२ [ आकुलीं कृ ]

-३ [ आ + मृद् ९ क्षोदे { मृद् = वृद् = वद् = वड् = वळ् } ] घट्ट बांधणें, रस काढणें.

-४ [ आ + वल् १ संवरणे ] घट्ट बांधणे.

-५ [ आ+मील् १ निमेषणे ] डोळे आवळणें. इतर रूप-आवीळ

-६ [ आ + कुलयति = आउळ ( आकुलं = आउल = आवळ ) ] घट्ट बांधणें.

-७ [ आकुलनम् (ना.) १ संस्त्याने ] ( आकुळ पहा )

आवांक १ [ आ + वक्ष् १ रोषे] धैर्य करणें, शक्ति वाटणें. { आवांका = शक्ति ( नाम ) } ]

-२ [ आ + वच् वैदिक - आमन्त्रणे ] बोलाविणें.
उ०-तरी जीवीं ऐसे आवांके । म्हणे दास्य करी न नीकें ॥
जवं गुरु कवतिकें । माग म्हणति ॥ ज्ञा. १३-४०३

-३ [ आ + वच् १० परिभाषणे ] बोलणें.

-४ [ आ + वक् १ पतौ ] गोळा बेरीज करणें.
उ०-र्पै उगेपणा तुझिया । हा अभिप्रावो कीं धनंजया ।
जें एकवेळ आवांकुनियां । सांगावें ज्ञान ॥ ज्ञा. १८-१३३७ कुंटे

-५ [ आ+वख् १ गतौ ] गोळा बेरीज करणें. (उदा० वरील)

-६ [ आ + वग् ( इ ) १ गतौ ] गोळा बेरीज करणें. ( उदा० वरील )

-७ [ आ + वंक १ गतौ ] एकत्र करणें.