मरमारु [ मर्मारुक ] ( धातुकोश-मरमर पहा )

मरी [ मृति स्ते भूयात् = मरीं तुझी होवो. मृती = मरी ]

मरुळी [ मरुपल्ली = मरुळी ] (भा. इ. १८३६)

मर्तिक [ मार्तक्यं ( मृतक म्हणजे प्रेत, त्यासंबंधी क्रिया) = मर्तिक ]

मर्‍या [ मर्यक a little man = मर्‍या ] मर्‍या ! कोठें जळला होतास ?

मर्वा [ मरुबक = मरुअअ = मर्वा ] (भा. इ. १८३४)

मलई [ मृज्या washings, purifications = मलई, मळई, मळी ] मलई म्हणजे दुधावरची साय. मळई म्हणजे लोणी, साखर, उसाचा रस अति तापवला असतां वर साचतें दाट धुवण तें. मळईचा च अपभ्रंश मळी.

मलखांब [मल्स्तंभ = मलखांब ] (भा. इ. १८३२)

मलमल [ मलमल्लकं (आच्छादनं) = मलमल (वस्त्रविशेष)]

मवागी [ मृद्वगता = मवागी ]

मवाळ [ मृदुल = मउल=मवळ = मवाळ ] (ग्रंथमाला)

मवाळी [ मृदुलता = मवाळी ]

मस [ ( पु. ) मसिः = मस (पु.) ] मस म्हणजे अंगावरील काळा डाग.

मसण [ मृषाज्ञान ignorance, false knowledge = मसाण = मसण ] मसण तुझें your ignorance असा प्रयोग वडीलधार्‍या स्त्रिया मुलामुलीसंबंधानें करतात.

मसणा, मसण्या [ अमुष्यायण: (अमक्याचा पुत्र) = (अलोप) मसणा, मसण्या ] मसण्यानें अमुक केलें न तमुक केलें.

मस्करी [ मस्करिन् ( यति) = सन्यासी ] मस्करी करणें म्हणजे असंन्यस्त माणसाला सन्याशासारखें समजणें, करणें. (ग्रंथमाला)

मस्त [ समस्त ] सर्व, पुष्कळ. ( समदें पहा )

महागणें [ मधि कैतवे. मंघनं = महगणें = महागणें ] तो आतांशीं महागला आहे म्ह० लुच्चेगिरीनें दिसत नाहींसा झाला आहे. ( धा. सा. श. )

महांगिरी [ मंगिनी ( तारू) = महांगिनी = महांगिरी ] एका प्रकारच्या तारवांना महांगिर्‍या म्हणतात.

महात [ महामात्य: = माहात, महात, माहूत ] हा शब्द पंचतंत्र प्रथमतंत्र यांत आला आहे.

महामूर [ महामूल्य = महामूर = म्हामूर ] पुष्कळः किंमतीचें, पुष्कळ.