[१७९]                                                                               श्री.                                                                  २४ सप्टेंबर १७९५.                                 
श्रीमंत राजश्री रावसाहेब स्वामीचे सेवेसी.
विनंति सेवक गोविंदराव कृष्ण कृतानेक स।। नमस्कार विनंति विज्ञापना त।। छ १० माहे र।।वलपर्यंत मु।। भागानगर येथें स्वामीचे कृपावलोकनेकरून सेवकाचें वर्तमान यथास्थित असे. विशेष. इकडील वर्तमानाची विनंति पेशजी पत्राची रवानगी केली आहे त्यावरून ध्यानास आलें असेल.सांप्रत नबाबाकडे छ ८ रोजीं जाऊन सरकारी खरितापत्र दिलें. बोलणें झालें. त्याचा तपशील वगैरे मजकूर अलाहिदा पुरवणीपत्रीं विनंति लिहिली आहे. अवलोकनें ध्यानांत येईल. उत्तरें रवाना करावयास आज्ञा करणार स्वामी समर्थ. सेवेशीं श्रुत होय. हे विज्ञापना.