[५२९]                                                                     श्री.                                                                

वेदशास्त्रसंपन्न राजमान्य राजश्री वासुदेव दीक्षित स्वामीचे सेवेसी :- 
विद्यार्थी बाळाजी बाजीराव प्रधान साष्टांग नमस्कार विनंति उपरि येथील कुशल जाणोन स्वकीय लिहीत असिलें पाहिजे. विशेष आपण दोन तीन पत्रें खानाचे साहित्याविशीं पाठविली. कित्येक साधन प्रकार लिहिले; विठ्ठल सुंदर आले याणी निवेदन केले; त्यावरून कळलें. ऐशास, खानाचा आमचा स्नेह. त्याच्या साहित्यापेक्षा दुसरें विशेष काय आहे ? खानाचे साहित्यास पहिले आह्मी अंतर न केलें. व पुढेंही न करूं. वरकड जें जें साह्य आहेत थोरले कामाची उभारणी करतील, ह्मणोन सांगोन येथील साहित्य ++++ जो जाला तो आपण ++++++++++ त्याजवरून कळलें. अत:परही साहित्य जें होईल तें करूं. वराडचा सुभा खानाकडे आहे. तेथील बंदोबस्त नाहीं. तर खानास सांगून तेथील बंदोबस्त होय ते करावें. ह्मणजे अन्यत्र कोणी शब्द ठेवूं पावणार नाहीं. हे विनंति.^§