[४४०]                                                                        श्री.                                                                  १ जुलै १७५४.

पौ आषाढ वद्य १४ गुरुवार
शके १६७६.

वेदशास्त्रसंपन्न राजश्री वासुदेव बाबा दीक्षित स्वामीचे सेवेसी :-
सेवक रघोजी भोसले सेनासाहेब सुभा दंडवत विनंति. उपरि बंगाल्याचे दोन लक्ष रुपयांच्या हुंड्या तुमच्या जोगच्या आल्या होत्या. त्या आह्मीं येथें सराफास देऊन नगद रुपये घेतले. ऐशियास मुदतीस हुंड्या सकारल्या असतील तेच मित्तीस आपले कबज सावकारास देऊन हुंड्याचे ऐवजी राजश्री येसाजी नाईक गडकरी यांस दहा हजार रुपये देविले पाहिजे. हुंड्या यांणी ज्या सावकारास विकल्या असतील त्यास सुलाखी नगद रुपये देविले पाहिजे. याची बोली रोकडीची आहे. तरी हुंडीप्रमाणें रुपये सुलाखी रोकडे दिल्हे पाहिजे. रा छ ९ माहे रमजान. सेवेसी श्रुत होय. हे विज्ञापना.