[३२४]                                                                      श्री.                                                               १ फेब्रुवारी १७२८.

अभयपत्र समस्तराजकार्यधुरंधर विश्वासनिधि राजमान्य राजश्री श्रीनिवास परशराम प्रतिनिधी त॥ मुकादमानीहाय, मौजे इरमोड ता कऱ्हाड, मौजे अनेवाडी ता कुडाळ, मौजे, धावडशी ता परळी, सु समान अशरीन मया व अलफ. दिल्हें अभयपत्र ऐसेजे :-

सालमजकुरीं सदर्हू गावांस उपसर्ग बहुत लागला. स्वारीपट्टी, टुमणी, घासदाणा याखेरीज अवांतर उपसर्ग लागला. यामुळें रयत तजावजा जाली आहे. तरी पुढें उपसर्ग न लागे तरी धीरभरवसा देऊन लावणी करूं ह्मणोन तुह्मी अर्ज केला. त्यावरून अभयपत्र सादर केलें असें. तरी तुह्मी कोणेविशी शंका न धरितां गावावरी राहून लावणी करणें. भय जाजती याउपरि होणार नाहीं. येविशीं अभय असे. छ १रजब. निदेश समक्ष. लेखनावधि.