[३२३]                                                                      श्रीभार्गवराम.                                                               

श्रीमत् तीर्थस्वरूप परमहंसबावा स्वामीचे सेवेसी.
अपत्यें मानाजी आंगरे चरणावरी मस्तक ठेवून कृतानेक विज्ञापना तागाईत छ २५ माहे सफर पावेतों स्वामीचे कृपावलोकनें व आशीर्वादें करून अपत्यांचें वर्तमान संतोषरूप असे. विशेष. आशीर्वादपत्र पाठविलें तें पावोन आनंदातिशय जाहाला. कुसापा वाणी याचे रुपये तेरा लालमण परदेशी याजकडे कर्ज आहेत. त्यास लालमण रुपये देत नाहीं. याजकरितां कुसापा पाठविला आहे. तरी लालमण याजपासून खडाखडी रुपये घेऊन पाठविले पाहिजेत. ह्मणोन निकडीनें आज्ञा केली. त्याजवरून लालमण यास वरातदार लावून सदरहू रुपये वसूल घेऊन, कुसापास रवाना केला असे. सेवेसी श्रुत होय हे विज्ञप्ति.