[१८७]                                                                       श्री. लक्ष्मीकांत.                                                          १७५७.

राजश्री रामचंद्र कोनेर गोसावी यांसी :-
स्ने॥ जानोजी भोसले सेनासाहेब सुभा दंडवत उपरि. तुह्मी महादू जासूद यांजबरोबर पत्र पाठविले ते प्रविष्ट होऊन सविस्तर वर्तमान कळो आले. राजश्री आप्पा यांसी खर्चास दहा पंधरा हजार रुपये पाहिजेत, तेव्हां निघणें होईल, ह्मणून लिहिलें. वरकडही कितक मजकूर लिहिला. त्यास, तुह्मांस कळेल त्याप्रकारें समजोती काढून, दहा हजार पावेतों खर्चाची बेगमी करवून, सत्वर घेऊन येणें. पांढरियाकडील फैसला करणें. आह्मीही उदईक येथून कूच करीत आहोंत. तरी तुह्मीं दिवसगत लाऊन एकंदर न राहणें. अविलंबे येणें. र॥ छ ४ हे रमजान. बहुत काय लिहिणे.