रामचंद्र सिवाजी सोलापूरकर                                                      लेखांक १०४.                                                         १७१४ पौष वद्य १४.
यांस पत्र नारायणराव देशमुख
मार्डी-कर याणी मागितल्यावरून.

राजश्रिया विराजित राजमान्य राजश्री रामचंद्रपंत सुभेदार स्वामीचे सेवेसी-
पो गोविंदराव कृष्ण सां नमस्कार विनंति उपरि एथील कुशल जाणून स्वकीयें लिहित असावें विशेष राजश्री नारायण जिवनराव देशमुख देशपांडे पा मार्डी यांची बहिण मैनाबाई राजश्री देशपांडे सोलापूरकर यांचे वडील पुत्रास दिल्ही त्याचा काल जाल्यापासोन या मुलीचें संगोपन यथास्थित विच्यारें धाकटें दीरानी करावें तें घडत नाही वृत्ति-विषय व श्रीमंताचे सरकारातून असामीचा अनुभव घेतात या बाईचा सांभाळ करावा तें करीत नाहींत याजकरितां मुलीचे वस्र-प्रावर्णाचा वगैरे बंदोबस्त त्याजला ताकीद करून देविला पाहिजे रा छ २७ जावल बहुत काय लिहिणे लोभ कीजे हे विनंति.