लेखांक ८९.                                                    
१७०१ फाल्गुन वद्य ५                                             श्री.                                                    २५ मार्च १७८०.                                                                                  

पु।। राजश्री कृष्णराव स्वामींचे सेवेसीं:-
विनंति उपरी. राजश्री मोरोबादादा आमदानगराहून निघोन गेले, ह्मणोन बाजारू वर्तमान उठलें आहे. त्यास, खबर बातल ऐसें नवाबबहादूर बोलिले, ह्मणोन लिहिलें. त्यास, बाजारू खबरी मनस्वी सर्वां ठिकाणीं उठतात. त्याजवर प्रमाण काय आहे ? नवाबबहादूर बोलिले ते समजोन बोलिले. अशा गोष्टी कशा घडतील ? बंदोबस्त चांगला आहे. रा। छ १८ रा।।वल. हे विनंती.