लेखांक १७७

                                                                                                       श्री                                                           १६२१ आश्विन वद्य ५

                                                                                                                                                                           तालिक

स्वस्तिश्री राज्याभिषेक शके २६ प्रमाथीनाम संवत्सरे आश्विन बहुल पंचमी भोमवासरे क्षत्रिय कुलावतंस श्री राजाराम छत्रपती याणी राजश्री तिमाजी यमाजी देशाधि(कारी) पा। सातारा यासी आज्ञा केली (शिक्का) ऐसी जे सदानंद गोसावी याणी हुजूर येऊन विदित केले की आपला मठ मौजे निंब प्रा। वाई येथे आहे त्यास पूर्वापर इनाम आहे बितपसील बिघे

निगडी पवाराची बिघे १५                                   वरीये पौ। बिघे ५
मौजे शेदरे पौ। बिघे ५                                       मौजे वेचले पौ। बिघे ५

येणेप्रो। तीस बिघे जमीन पूर्वापार आदलशाहाचे कारकीर्दीपासून इनाम चालत आहे आलाकडे धामधुमेच्या प्रसंगाकरितां बिलाकुसूर इनाम चालत नाही तरी स्वामीने आज्ञा करून सदरहू इनाम बिलाकुसूर चाले ऐसी गोष्ट केली पाहिजे ह्मणून विदित केले त्यावरून हे आज्ञापत्र सादर केले असे तरी तुह्मी हे जाणून सदरहू इनाम गोसावी याच्या मठास अदलशाहाचे कारकीर्दीस चालत आला असेल त्याप्रो। हली पड जम याचे स्वाधीन करून इनाम बिलाकुसूर चालवणे या पत्राची प्रती लिहून घेऊन मुख्य पत्र गोसावी याजवळ परतोन देणे जाणिजे लेखन अलकार मोर्तब

रुजू सुरनिविसी                                                                 सुरु सुद बार