पत्रांक ६३                                                                                                         

पे।। छ ८ जिल्काद                                                             श्री                                                                                                                      

पु।। राजश्री मामा स्वामी गोसावी यांसी
विनंति उपरि अप्पाजी बाबूराव जामदारखाने पूर्वी राजश्री विष्णु नरहर याणीं तुम्हाकडे पाठविले होते त्याजबराबर आमचें पत्र हि एक आपल्यास होतें त्यास याचें उत्तर हि आलें नाहीं आप्पाजीपंत तुम्हांपाशीं च आहेत किंवा पत्रें देऊन रवानगी केली हे ल्याहावें येथें आम्ही वरच्यावर श्रीमंतास उमजूम देणें तें देत च आहों होतां होईल तें खरें हे विनंति ।