होळकर प्रकरण.

रायरीकरांच्या दप्तरांत होळकरसंबंधाचे कागदपत्र मुळींच नाहींत म्हटलें तरी चालेल. चिंतोपंत तात्या रायरीकरांस पागा नेमून दिल्याचा ऊल्लेख मात्र एकदोन पत्रांत आहे. या प्रकरणांत दोन तीन हिशोबाचे कागद छापिले आहेत, हे इतिहास-भक्तांनीं अवश्य वाचावें. व्याजाचा हिशेब करण्याची पद्धति, जमाखर्च ठेवण्याची पद्धति इत्यादि गोष्टी मनन करण्यासारख्याच आहेत.


                                                                 पत्रांक ६३. 

१७६७ ता. २९ ऑक्टोबर                                                    श्री.                                                        कार्तिक शुद्ध ७ शके १६८९

राजश्री माहादावा^१ ना।मेढे गोसावी यांसिः-
अखंडित-लक्ष्मी-अलंकृत-राजमान्य श्रे॥ तुकोजी होळकर दंडवत. सु॥समान सितैन मया व अलफ. तुह्मा पासून सरकारांत घेतले रुपये ४२५०० साडे बेचाळीस हजार, हे सदरहू साडे बेचाळीस हजार रुपये उसने चैत्र-मीं देऊं. जाणिजे. छ ५ जमासिलाखर. बहुत काय लिहिणें? मित्तीं कार्तिक शुद्ध ७ सप्तमी शके १६८९ सर्वजित् नाम संवत्छरे. हे विनंति.