पत्रांक ५९. 

ता ९ माहे दिसेंबर. १७६७                                                   श्री.                                                  मार्गशीर्ष वद्य ४, १६८९

अखंडितलक्ष्मीअलंकृत राजमान्य राजश्री चिंतो विठ्ठल गोसावी यांसिः
सेवक माधवराव बल्लाळ प्रधान नमस्कार. उपरि. येथील कुशल जाणोन स्वकीय लिहित जाणे. विशेष. शिंदे दिढा महिनियांत येतात ऐसें तुम्हीं खासा स्वारी अनंदवल्लीस असतां बोलत होतेस त्यास मुदत होऊन गेली. त-ही त्यांचे येणें न जालें. ते उज्जनीसच आहेत. सरकारचें काम नासतें. यास्तव राजश्री नारो शंकर राजेबहादर यांची दिवाणगिरी शिंद्यांची होती ते मोघम राखून राजश्री बाजी नरसिंह यांस शिंद्यांची दिवाणगिरी करार करून देऊन शिंद्यांचे सरदारीचा बंदोबस्त करविला, हें वर्तमान तुम्हांस कळावे यास्तव लिहिले असे. जाणिजे. छ १७ रजब सु।। समान सितैन मया व अलफ. ^*बहुत काय लिहिणें ? नारो शंकराचे तर्फेनें यांनी कारभार करावा. याप्रमाणें ठरलें. फडनिशीविशीं ताकीद केली आहे. तेही चालवितील. छ० मा।र पौ छ ३ शाबान उर्फ पौष सन समान मुकाम जनस्थान संध्याकाळ.^१