श्री.

लेखांक २९३.

१६९९ ज्येष्ठ शुद्ध १५.

राजेश्री सिवराम रघुनाथ स्वामी गोसावी यांसि :-
विनंती उपरी. रत्ना फरास दिमत फरासखान याची जागा पेठ बुधवार शहर पुणें येथें रुंद हात १५ पंधरा व लांब हात ३० तीस याप्रे॥ होती. ती सरकारांत घेऊन माहादाजी बल्लाळ कारकून सिलेदार यास दिल्ही. याचे मुबदला छटू फरास याची जागा लांब हात तीस व रुंद हात २४ चोवीस इमल्यासुधां गणेश पेठेंत सरकारांत जप्तीस आहे व नूरखान गाडदी याची जागा खुली रुंद हात १५ छेटू फरास याचे जागेचे पुढे आहे ती ऐसें प्रें॥ फरासम॥र यास देविली असे. तरी देणें.

जाणिजे छ १३ जमादिलावल सु॥ समान सबैन मया अलफ. बहुत काय लिहिणे ? हे विनंति.