पत्रांक ५८१

पो। जेष्ट वद्य १३
श्री
१७२४ ज्येष्ठ वद्य ११

श्रीमंत वेदशास्त्रसंपन्न राजमान्य राजश्री नानाजी स्वामचे सेवेसीं:-

विद्यार्थी नारो बल्लाळ चितळे चरणावर मस्तक ठेवून सां। नमस्कार विज्ञापना ता जेष्ट वा। ११ मंदवार, मुा लष्कर नजीक वैजापूर येथें स्वामीचे कृपेंकरून सेवकाचें वर्तमान यथास्थित असे. विशेष. स्वामींनीं पत्र रा। धोंडोपंत याजबा पाठविलें तें पावलें. व जबांनी मारनिलेनीं सांगितलें त्यावरून वर्तमान कळलें. लष्करचा दंगा बहुत, ह्मणून तिरस्थळीस भय फार जालें. तुमचें खातरजमेचें पत्र आलें म्हणजे आह्मी स्वस्त राहूं ह्मणून आज्ञा, त्यास आह्मी येथें आपले सेवक आहों. त्यापेक्षां आपणास कोणे गोष्टीचा उपद्रव लागणार नाहीं. त्यावरून भाईशामतखांसाहेबापाशीं बोलून आपणास एक पत्र व गांवकरी यासीं कौल पठाणाचा पा। आहे. पत्रांत आपली फार खातरजमा करून पत्र खांसाहेबांनी स्वामीस लिा आहे. त्याप्रों स्वामींनीं गांवातून बाहेर कोठें न जावें. मी येथें आहें, तेव्हां खातरजमा असों द्यावी.

आपण म्हणतील कीं, कालचें पत्रीं सूचना लिा. त्यास येथें आम्हीं खांसाहेबांशीं पक्की खातरजमा आपलेविशीं करून वचन घेतलें. तेव्हां आमचीहि खातरजमा जाली. त्यावरून धोंडोपंताबरोबर पत्रें पा। आहेत. पावतील. व जबानी मारनिल्हे विनंति करितील. त्यावरून कळेल. लष्कर बहुतकरून तिकडे येऊ देणार नाहीं. दाहापांच कोशीं जाणार.. जवळ लष्कर आलें ह्मणजे ताकीददार व कारकून गांवास पा, मौजे काठीपिंपळगांवींचा कौल पा।, तो गांवास पा। द्यावा. तेथेंहि ताकीददार पा. दोन रुख लष्करचे आहेत, मग पाहावें. + आपण स्वस्थ असावें, बहुत काय लिहिणें हे विज्ञापना.