पत्रांक १५२

श्री
१६९६ भाद्रपद वद्य ९

तीर्थस्वरूप राजश्री कृष्णरावजी वडिलांचे सेवेसीः-

अपत्यें बाळाजी जनार्दन सां नमस्कार विनंती येथील क्षेम ता छ २२ रजब जाणून स्वकीय कुशल लेखन करीत असलें पाहिजे. विशेष. वेदशास्त्र संपन्न राजश्री सदाशिव दीक्षित ठकार आश्रित दिा हुजरात यांचे उभयतां चिरंजीवांची तैनात सालाची सालांत देवावी, ह्मणोन पेशजी आपणास सरकारांतून पत्र असतां, सालगुदस्त सन अर्बासबैनचे तैनातेचा ऐवज अद्यापी यांस पावला नाहीं. ऐशास यांचा साल गुदस्ता ऐवज राहिला असेल तो देवावा व पुढें सालाचे सालांत यांचा ऐवज देत जावा. यांजकडील दरमहाच्या चिठ्या साल गुाच्या पानसुपारी वगैरे व कापड आंख राहिले असतील त्या देवाव्या, लोभ * करावा. हे विनंति.