पत्रांक १६

श्री.
१६८५ पौष शु। १

राजमान्य राजश्री गणेश व अंताजी मल्हार दिा रामजी पवार गोसावी यांसीः-

सेवक माधवराव बल्लाळ प्रधान नमस्कार. सु। अर्बा सितैन मया व अलफ. राजश्री बाळाजी जनार्दन यांचे इमारतीचे रायवळ लांकडांचे गाडे घांटाखालून पुण्यास येत होते. ते तुह्मीं मौजे वडगांव येथे अटकाविले आहेत, ह्मणोन हुजूर विदित जाहलें. त्यावरोन लिहिलें असे, तरी, तुह्मीं मशारनिलेचे गाडे लांकडाचे अटकावले आहेत. ते व आणिही घांटाखालीं लांकडे तोडिलीं आहेत तीं दस्तकाप्रमाणें पुणियास आणितील. त्यांस आणूं देणे. अडथळा न करणें. जाणिजे. छ २९ जमादिलाखर. आज्ञा प्रमाण. लेखनसीमा.