Deprecated: Required parameter $article follows optional parameter $type in /home/samagrarajwade/public_html/libraries/regularlabs/src/Article.php on line 57

Deprecated: Required parameter $helper follows optional parameter $type in /home/samagrarajwade/public_html/libraries/regularlabs/src/Article.php on line 57

Deprecated: Required parameter $method follows optional parameter $type in /home/samagrarajwade/public_html/libraries/regularlabs/src/Article.php on line 57

मराठी धातुकोश

आग्रह [ आ + ग्रह् १ उपादाने ] आग्रह करणें, बोलावणें, आग्रहून, आघ्रून बोलणें. { आघ्र ( ग्रह् = घ्र ). आघर ( ग्रह् = घर }. इतर रूपें-आघ्र १, आघर.

आगाज [ आ + गज् १, १० शब्दे ] मोठा आवाज-गर्जना करणें.

आंगें हो [ अंगी भू १ भवने ] स्वाधीन होणें.
उ०- ए-हविं त-हीं तूप काइसेया गुसलावें । अमृत कां गालुनि आधें करावें ।

हां गा पाउसीं काइ डावे । जेवणें आंगें हो ये ॥ ज्ञा. १०-२९०

तियेतें जेधवां जें जो मागे । तें ते एकसरें प्रसवों लागे ।
तेवि विभव तेया आंगें । होउनि आलें ॥ ज्ञा. १०-२८६

आघर [ आ + ग्रह् ९ उपादाने { ग्रह् = घर } ] आग्रह करणें, बोलावणें. ( आग्रह पहा ).

आघल [ आ + घृ १ सेचने { घृ = घर् = घल् = घळ } ] धोत्रावर पाणी आघलणें-शिंपडणें. इतर रूप-आघळ ३

आघळ १ [ आ + घूर्ण् ६ भ्रमणे { घूर्ण = घूर् = घूळ् = घळ } ] हलवणें, ( आघाळ २ पहा ).

-२ [ आघूर्णनम् ( ना.) ] हलवणें. धोत्रें घंगाळांत आघळणें म्हणजे घोळणें. इतर रूपें-आघुळ २, आघोळ २.

-३ [ आ + घृ १ सेचने { आघर् = आघळ् } ] पाण्यांत घालून हलवणें. ( आघल पहा )

आघाळ १ [ आ + घृ १ सेचने आघारयति { आघार् । वृद्धि । आघाळ् } ] पाण्यांत घालून हलवणें.

-२ [ आ + घूर्ण ६ भ्रमणे ] धोत्रें आघाळणें. इतर रूप-आघळ १

आघुळ १ [ आ + घूर्ण ६ भ्रमणे ] पाण्यांत घालून हलवणें. उ०- धोत्रें आघुळणें ( आघळणें ) ( आघोळ पहा )

-२ [ आघूर्णनम् ( ना. ) ] हलवणें. ( आघळ २ पहा )

आघोळ १ [ आ + घूर्ण ६ सेचने ] पाण्यांत घालून हलविणें. इतर रूपें - आघुळ, आघळ.

-२ [ आघूर्णनम् (ना.) ] हलवणें ( आघळ २ पहा )

आंघोळ [ आ+घृ १ सेचने ] पाणी अंगावर शिंपडणें-फेंकणें.

आघ्र १ [ आ + ग्रह् ९ उपादाने { आग्रह = आघ्र } ] आग्रह करणें. ( आग्रह पहा )

-२ [ आ + ग्रह् ९ उपादाने ] आघ्रून ठेवून घेणें.

आंच १ [ अस् ४ क्षेपणे {अस्य् = अच्च् = आंच } ] फेंकणें.

-२ [ अंच् १ याचने ] आंचणें.